Independent

Cultural  Educational

Association  “Ihumen”

 

Republik  of    

Tel.: -

E-mail: nazaruk_ok@tut.by

 

 

 

Грамадскае

культурна-асветніцкае

аб’яднанне “Ігумень”

 

.

E-mail: nazaruk_ok@tut.by

 

 

Інфармацыя аб арганізацыі

 

 

  ГКАА «Ігумень «створана ў 1994 годзе.10.03.2000 года зарэгістравана ўпраўленнем юстыцыі Мінаблвыканкама. Мае статус раённага. Арганізоўвае працу  сярод жыхароў Чэрвеньскага  раёна (36,5 тыс.чалавек).

 

                

 

Асноўная мэта дзейнасці

 

 

  Аб’яднанне людзей, валодаючых творчым патэнцыялам дзеля супольнага вывучэння і зберажэння  культурна – гістарычнай спадчыны рэгіёна, прапаганда яго сярод насельніцтва.

 

 

 

Задачы аб’яднання

 

 

 

Намі арганізавана

 

                1. Гарадскі  дзіцячы  тэатр.

                2. Захавана памяць аб Міколе Равенскім, кампазітару, аўтару гімна “Магутны Божа”,  які значны час жыў і працаваў  у нашым горадзе. У яго гонар выраблена і  ўрачыста  адкрыта памятная мемарыяльная дошка.

  3. Захавана памяць і аб маці славутага беларускага паэта - Максіма Багдановіча, якая нарадзілася  ў нашым горадзе (старажытным Ігумене ). У яе гонар таксама выраблена і ўрачыста адкрыта на свяце горада мемарыяльная дошка.Фотаздымкі>>

  4. Выраблена і ўсталявана ў цэнтры горада  скульптура легендарнай заснавальніцы горада  - Маці-Ігуменні.Фотаздымкі>>

  5. Праведзена вялікая праца па выяўленню месцаў растрэла НКВедзістамі ў пачатку 1941 года палітычных зняволеных, якія напярэдадні  вайны былі сагнаныя і ўтрымліваліся ў мясцовай турме: грамадзяне Польшы, Літувы, Беларусі. І вось ужо 12 год  на тых месцах праходзяць “Жальбіны” з удзелам дэлегацый вышэй указаных краін. Дарога, па якой вялі вязняў, атрымала назву “Дарога смерці” ці “Ігуменьскі шлях”.Фотаздымкі>>

   6. Арганізаваны і праведзены абласны фестываль  беларускіх дзіцячых тэатраў “Залатая пчолка”.Фотаздымкі>>

7. Выраблены і  ўрачыста ўсталяваны памятны крыж  у захаванне  памяці аб паўстанцах Кастуся Каліноускага (у раёне маецца 3 месцы дыслакацыі атрадаў паўстанцаў). Арганізавана творчая вандроўка па месцах  збора   паўстанцаў і некалькі конкурсаў, прысвечаных  К.Каліноўскаму і яго паплечнікам, змагарам  за незалежнасць і свабоду краіны.

8. Наладжана творчае супрацоўніцтва з культурна-асветным клубам «Спадчына» (кіраўнік – прафесар, выкладчык БГУ, Анатоль Белы) – буйнейшым грамадска - адраджэнцкім рухам сучаснай Беларусі, які аб”яднаў многіх навукоўцаў, пісьменнікаў, мастакоў. Для прыватнага музея Анатоля Белага, які месціцца ў г. Старыя Дарогі, членам нашага аб”яднання, скульптарам Генадзем Матусевічам вырабленеа і падаравана скульптура Мікалая Радзівіла Чорнага (дрэва дуб, памерам 3 м.).

9. Таксама наладжаны сувязі з Беларускім Гістарычным Таварыствам Беласточчыны (кіраўнік – Валерый Харужы ). Супрацоўнікі Таварыства наведваюць гістарычныя, памятныя мясціны і нашага рэгіёна. Вынікам вандровак з”яўляюцца публікацыі ў газеце “Ніва”, якая выходзіць для беларусаў Польшы ( гл.№№ 1,”2,3 за 2003 год ). Гістарычнае таварыства дасылае ў бібліятэку нашага ГА складзеныя і выпушчаныя ім кнігі пра беларусаў, якіх у свой час лёс наканаваў пакінуць любую Бацькаўшчыну і шмат пакутваць з-за гэтага. Гэта кніжкі Анелі Катковіч і Веранікі Катковіч-Клентак “Успаміны” (БГТ,Беласток,1999 г.); гістарычныя нарысы Міколы Шкялёнка “Беларусь і суседзі” (БГТ,Беласток, 2003 г.).

10. Адбылася сустрэча з кіраўніком беларускай суполкі Масквы, які завітаў да нас разам з беларускім кампазітарам Ігарам Лучанком . Вяліся размовы аб творчым супрацоўніцтве. Для маскоўскіх беларусаў ад імя нашага грамадскага аб”яднання падараваны дзве драўляныя скульптуры (дуб, памер 3 м.) “Лірніка “ і беларускага рыцара 16 стагодздзя. Скульптар – член Саюза Мастакоў Беларусі – Генадзь Матусевіч.

11. Супрацоўнічае аб”яднанне з мясцовым касцёлам Узвышэння Святога Крыжа ( пробашч Мечыслаў Лабяк). Для яго Генадзем Матусевічам выраблены і падараваны драўляныя скульптуры (дуб, памер 3 м.) Маці Божай і Святога Антонія, таксама жывапісныя працы.

12. Нашае грамадскае аб”яднанне прымала удзел ў раённай краязнаўчай канферэнцыі у якой бралі ўдзел і супрацоўнікі абласнога музея і беларускі гісторык і літаратуразнавец, грамадскі дзеяч, доктар філалагічных навук, кандыдат гістарычных навук Аляксей Канстанцінавіч КАЎКА, які ў сучасны момант жыве ў Маскве. А ў жніўні 2004 года для бібліятэкараў раёна аб”яднанне разам з камісіяй па правах жанчын ГА “Права і ініцыятыва” (кір. Галіна Усцінава г.Мінск ) ладзілі сэмінар –трэнінг “ Абаронім сябе ад гвалту”.

13. Прымаем удзел у конкурсах, якія ладзяць Таварыства Беларускай Мовы і ГА “ДЫЯРЫЮШ”. Апошні з іх, літаратурны “Чужы сярод сваіх”.

14. Доўжыцца творчае супрацоўніцтва аб”яднання з мясцовым паэтам, драматургам, які складае п”есы пераважна для дзяцей - Генадзем Аўласенка. Ставяцца спектаклі па яго творах на тэатральным аддзяленні Чэрвеньскай школы мастацтваў (выкладчык –Вольга Назарук ). Апошнія сёлетнія пастаноўкі спектаклі “Зайкава хатка” і “ Як Мушка любіла працаваць” па аднаіменных п”есах.

Нашыя праекты